拉格卓玛 - 灵秀尖扎
作词：李加东周
作词：南拉太
编曲：任郎泰
རྫ་མཐོན་པོ་སྲིན་པོའི་འདབས་རོལ་ན།།
ཆུ་རྨ་ཆུ་ལི་མ་གཡས་སུ་འཁྱིལ།།
སྟོད་འབྲོག་གི་སྤང་ཐང་ཕྱུགས་ཀྱིས་ཁེངས།།
སྨད་རོང་གི་ཞིང་ས་འབྲུ་ཡིས་བལྟམས།།
སྨད་རོང་གི་ཞིང་ས་འབྲུ་ཡིས་བལྟམས།།
ལྡོང་ཚ་ཆེན་བཙན་པོའི་བུ་རྒྱུད་རྣམས།།
དཔའ་མཐེབ་རྩལ་སྐྱེན་པོ་གློག་ལྟར་འཁྱུགས།།
མཛངས་བློ་རིག་རྒོད་པོ་མེ་བཞིན་མཆེད།།
ཐབས་ཤེས་རབ་སྤུ་གྲིའི་སོ་བཞིན་རྣོ།།
ཐབས་ཤེས་རབ་སྤུ་གྲིའི་སོ་བཞིན་རྣོ།།
རྨ་ལི་མའི་འགྲམ་གྱི་སྨན་ཤར་རྣམས།།
མཛེས་ལང་ཚོ་དགུང་གི་འཇའ་རིས་འདྲ།།
བཟང་ཤེས་རྒྱ་འོད་ཀྱི་གུར་ཁང་འདྲ།།
ལག་ལས་ཀ་གཡང་ཁྱིམ་ཀ་བ་འདྲ།།
ལག་ལས་ཀ་གཡང་ཁྱིམ་ཀ་བ་འདྲ།།
རོང་གཅན་ཚ་མདའ་མོ་གཡང་རྫོང་ན།།
ཕོ་དགྲ་ལྷ་ཅན་ལ་མདའ་དབང་འབྱོར།།
མ་བྱང་སེམས་ཅན་ལ་ཟས་གཡང་འཕེལ།།
སྐྱིད་འཚོ་བ་གཡང་མདའི་དཔལ་ལ་འཁུ།།
སྐྱིད་འཚོ་བ་གཡང་མདའི་དཔལ་ལ་འཁུ།།
སྐྱིད་འཚོ་བ་གཡང་མདའི་དཔལ་ལ་འཁུ།།
སྐྱིད་འཚོ་བ་གཡང་མདའི་དཔལ་ལ་འཁུ།།
