锅庄 - 泽旺拉姆
词：民间
曲：民间
音乐营销：梦飞船国际文化
ཁྲི་ཤོར་རྒྱལ་མོའི་མཚ་མཐའ་ཞིག་ནས།
འཁྱག་རོམ་དར་གྱི་ན་བཟའ་ལྷུང་སོང་།
དབྱར་ཟླ་ཚེས་པའི་རྟེན་འབྲེལ་ལོས་ཡིན།
གླུ་ཞིག་ལོངས་དང་ངང་བ་སེར་ལོ།
ལྷོ་སྤྲིན་ཕྱུག་མོའི་བང་རིམ་གསེབ་ནས།
གཡུ་འབྲུག་སྔོན་མོའི་གསུང་སྐད་གྲགས་སོང་།
སྦྲང་ཆར་འབབ་པའི་རྟེན་འབྲེལ་ལོས་ཡིན།
གླུ་ཞིག་ལོངས་དང་ལྷ་བྱ་ཁུ་ལོ།
ཤར་ཕྱོགས་གངས་དཀར་གངས་རིའི་རྩེ་ནས།
འོད་ཟེར་སྟོང་ལྡན་ཉི་མ་ཤར་སོང་།
བདེ་སྐྱི་འབྱུང་བའི་རྟེན་འབྲེལ་ལོས་ཡིན།
གླུ་ཞིག་ལོངས་དང་གངས་རིའི་བུ་ལོ།
བཀྲ་ཤིས་བདེ་ལེགས།
གཞས་ཚིག གཙང་རིགས་བསྐལ་བཟང་རྣམ་འདྲེན།
གཞསགདངས། ཤེར་བསྟན།
གཞས་མ། ཚེ་དབང་ལྷ་མོ།
བཀྲ་ཤིས་དང་པོ་འཛམ་གླིང་རྒྱན་ལ་འཇོག
འཛམ་གླིང་ཞི་བདེ་ཡོང་བའི་བཀྲ་ཤིས་ཤོག
བཀྲ་ཤིས་གཉིས་པ་གངས་རིའི་ལྗོངས་ལ་འཇོག
གངས་རིའི་དབུ་འཕང་མཐོ་བའི་བཀྲ་ཤིས་ཤོག
ལུགས་གཉིས་དཔལ་ཡོན་རྒྱས་པའི་བཀྲ་ཤིས་ཤོག
བཀྲ་ཤིས་ཀུན་ཏུ་དགེ་བའི་བཀྲ་ཤིས་པ།
དཀོན་མཆོག་གསུམ་གྱི་བཀྲ་ཤིསི་བདེ་ལེགས་ཤོག
གཅེས་ཕྲུག་ཚོ་སློབ་གྲྭར་འགྲོ །
གཞས་ཚིག གཙང་རིགས་བསྐལ་བཟང་རྣམ་འདྲེན།
གཞས་མ། ཚེ་དབང་ལྷ་མོ།
གཅེས་ཕྲུག་ཚོ་སློབ་གྲྭར་འགྲོ
མི་རིགས་བདེ་སྐྱིད་བསམ་ནས་སློབ་གྲྭར་འགྲོ
མི་ཚེའི་རིན་ཐང་བསམ་ནས་སློབ་གྲྭར་འགྲོ
མི་ལུས་དོན་མེད་མི་བྱེད་སློབ་གྲྭར་འགྲོ
མི་ཡི་ཐ་མར་མི་འདུག་སློབ་གྲྭར་འགྲོ
རང་རིགས་སྤུན་ཟླ་བསམ་ནས་སློབ་གྲྭར་འགྲོ
རང་གི་མདུན་ལམ་བསམ་ནས་སློབ་གྲྭར་འགྲོ
རང་ཉིད་བླུན་པོ་མི་བྱེད་སློབ་གྲྭར་འགྲོ
རང་གིས་རང་ཉིད་མི་བརླག་སློབ་གྲྭར་འགྲོ
ཕ་མའི་དྲིན་ལན་འཇལ་ཕྱིར་སློབ་གྲྭར་འགྲོ
ཕ་ཡུལ་འཛུགས་སྐྲུན་བསམས་ནས་སློབ་གྲྭར་འགྲོ
ཕ་མའི་རིགས་གཞུང་མི་སྐྱུར་སློབ་གྲྭ་འགྲོ
ཕ་ཡུལ་རྗེས་ལུས་མི་བྱེད་སློབ་གྲྭར་འགྲོ
