泽旺拉姆 - 黑帐篷之思念
作词：日当呷扎
作曲：佐庆丹真
རི་ལ་བརྟོད་པའི་འཇའ་གུར་ཡིན།
སྤང་ལ་བཏབ་པའི་ཕྲ་ཚོམ་ཡིན།
དབྱར་གྱི་བསིལ་རླུང་རྡེབ་པའི་སྦྲ་ནག་ལགས། འོ་འོ།
གངས་རིའི་ངོགས་ཀྱི་ཕ་ཁྱིམ་སྨུག་པོ་ཡིན། སྨུག་པོ་ཡིན།
སེམས་ལ་སྒྲོན་པའི་ཉི་མ་ཡིན།
སྤྱན་ལ་མཛངས་བའི་མེ་ཏོག་ཆུང་ཆུང་ཡིན།
དྲན་པའི་གཞུང་ན་བབས་པའི་ཨ་མ་ལགས། འོ་འོ།
སྦྲ་ནག་འོག་གི་ལྷ་ལྕམ་སྒྲོལ་མ་ཡིན། སྒྲོལ་མ་ཡིན།
ཨོ་་་་་་་བཀྲ་ཤིས་བཀྲ་ཤིས་བཀྲ་ལ་ཤིས་པར་ཤོག
གཡང་ལ་ཆགས་པར་ཤོག
བཀྲ་ཤིས་གཡང་གི་སྐལ་བ་ཡག
སྦྲ་དང་ཨ་མའི་ཕ་གཞིས་སྐྱིད་པོ་བསྐལ་བའི་བོངས་ལས་རིང་བའི་སྨོན་ལམ་འདེབས།
ལྷས་ལ་རྩེན་པའི་མངའ་ཐང་ཡིན།
རྡང་ལ་བསྟར་བའི་ནོར་བུ་ཡིན།
སྦྲ་ཡི་དྲུང་ན་བཏུད་པའི་ནོར་ལུག་ལགས། འོ་འོ།
གངས་རིའི་ངོགས་ཀྱི་གཡང་ཁྱུ་ཕྱུག་མོ་ཡིན། ཕྱུག་མོ་ཡིན།
མདུན་ལ་འཚེར་བའི་འོད་སྣང་ཡིན།
རྒྱབ་ལ་འཕྲོ་བའི་དྲོད་ཁོལ་ཆུང་ཆུང་ཡིན།
སྙིང་གི་ཁྱོར་ན་བཞུགས་པའི་ཨ་མ་ལགས། འོ་འོ།
ནོར་ལུག་གམ་གྱི་ལྷ་ལྕམ་སྒྲོལ་མ་ཡིན། སྒྲོལ་མ་ཡིན།
ཨོ་་་་་་་བཀྲ་ཤིས་བཀྲ་ཤིས་བཀྲ་ལ་ཤིས་པར་ཤོག
གཡང་ལ་ཆགས་པར་ཤོག
བཀྲ་ཤིས་གཡང་གི་སྐལ་བ་ཡག
ནོར་དང་ཨ་མའི་འཚོ་བ་སྐྱིད་པོ་བསྐལ་བའི་བོངས་ལས་རིང་བའི་སྨོན་ལམ་འདེབས།
ཨོ་་་་་་་བཀྲ་ཤིས་བཀྲ་ཤིས་བཀྲ་ལ་ཤིས་པར་ཤོག
གཡང་ལ་ཆགས་པར་ཤོག
བཀྲ་ཤིས་གཡང་གི་སྐལ་བ་ཡག
ནོར་དང་ཨ་མའི་འཚོ་བ་སྐྱིད་པོ་བསྐལ་བའི་བོངས་ལས་རིང་བའི་སྨོན་ལམ་འདེབས།
བསྐལ་བའི་བོངས་ལས་རིང་བའི་སྨོན་ལམ་འདེབས།
