糌粑TSAMPA - 黎智坚措 (Uncle Buddhist)
词： སྨན་བླ་སྐྱབས། འབའ་བུ་སྣང་སྐ
曲：黎智坚措
编曲：贡布昂杰
ནས་འབྲུ་སྔོན་མོའི་འཁྲུངས་ས།
དགའ་ས་ལེགས་འོ།
མགོ་ནག་བོད་ཀྱི་ཕ་ས།
སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ
སྦྲང་དཀར་རྩམ་པོའི་དྲི་ཞིམ།
དགའ་ས་ལེགས་འོ།
གངས་ཅན་བོད་པའི་ཐུགས་རྒྱུད།
སྐྱིད་ས་ལེགས་འོ
དགའ་ས་ལེགས་འོ། སྐྱིད་ས་ལེགས་འོ
དགའ་ས་ལེགས་འོ། སྐྱིད་ས་ལེགས་འོ
སྔོན་བསྐལ་བ་ཆགས་པའི་དུས་སྐབས་ལ།།
སྟོད་ཡར་ཀླུང་ཟོ་ཐང་ཡངས་པོ་ནས།།
བཟའ་ནས་འབྲུ་སྔོན་མོའི་ཞིང་ཞིག་བཏབ།།
ནས་སྔོན་མོས་སྦྲང་དཀར་རྩམ་པ་གནང་།།
བོད་ཆོལ་གསུམ་འཚོ་བའི་བརྟེན་ཕུར་ནི།།
ནས་སྔོན་མོའི་ཉིང་བཅུད་འདི་ཡིས་བྱས།།
ཟས་ཀྱི་དྭངས་མ་སྦྲང་དཀར་ཟས་མཆོག་འདི།།
འབྱུང་བཞི་ནད་ཀྱི་གཉེན་པོ་དང་།།
ལུས་ཀྱི་སྟོབས་སྐྱེད་སྨན་དང་མཚུངས།།
མགོ་ནག་བོད་པ་བསོད་ནམས་ཅན།།
ཟས་མཆོག་འདི་དང་འབྲལ་མེད་ཤོག།
ལོངས་སྤྱོད་ཕུན་སུམ་རྒྱས་པར་ཤོག།
བཀྲ་ཤིས་ཕྱྭ་གཡང་རྒྱས་གྱུར་ཅིག།
ཡར་ཀླུངས་ཟོ་ཐང་ཞིང་གི་ནས་འབྲུ་སྔོན་མོར་གཤོག་པ་མེད་དེ་གཤོག་པ་ཡོད།
འདབ་གཤོག་དཀར་པོ་གངས་ཀྱི་ར་བས་བསྐོར་བའི་ཡུལ་གྲུ་ཀུན་ལ་བརྐྱངས་ཏེ་ཆོལ་ཁ་ཡོངས་ལ་སེར་པོ་གསེར་གྱི་སྐེད་རགས་བཅིངས།
ནས་འབྲུ་གཤོག་ཐོགས་དེ་ཚོ་ཉི་མའི་པང་ནས་ཐོར་བའི་ཡི་གའི་ཕྲེང་བ་སྟེ།
རྩེད་ཐང་གོང་པོ་རི་ནས་ཕྱོགས་བཞིར་མཆེད་པའི་མི་རིགས་འདི་ཡི་ཤེས་རིག་འོད་ཀྱི་ལོ་རྒྱུས་འཛམ་པུ་གླིང་གི་གཙུག་ཏུ་འབྲི་རོགས་མཛད།
མགོ་ནག་རྩམ་ཟན་བོད་པ་ཚོ།
ནས་འབྲུ་གཤོག་ཐོགས་གངས་ཀྱི་རྨི་ལམ་ཡིན་ལ་གངས་ཅན་བོད་མིའི་ལྷ་སྐལ་ཡིན།
ནས་འབྲུ་གཤོག་ཐོགས་དེ་ཚོ་ལྷ་ཡི་ཕོ་ཉ་ཡིན་ལ་མི་སེམས་དཀར་པོའི་འོད་སྣང་ཡིན།
ནས་འབྲུ་གཤོག་ཐོགས་འཕུར་བའི་ས་ལ་སྦྲང་དཀར་རྩམ་པའི་དྲི་ཞིམ་མཆེད་ཅིང་སྨུག་པོ་མི་ཡི་རིགས་རྒྱུད་འཕེལ།
ནས་འབྲུ་གཤོག་ཐོགས་བབས་པའི་སྦྲང་དཀར་རྩམ་པའི་དྲི་ཞིམ་འཐུལ་ཞིང་མི་སེམས་དཀར་པོ་ཆོས་ལ་ཕྱོགས།
ནས་འབྲུ་སྔོན་མོ་རྡོག་གཅིག་ཡིན་ན་ཆོག་པའི་ང་དང་ང་དག་ཀྱང་།
མགོ་ནག་རྩམ་ཟན་གངས་ཅན་བོད་པའི་རྒྱད་པའི་རྒྱད་པ་ཕྱི་མ་སྡེ།
ཕ་ཡིལ་ཁ་ཐག་བཀྱེད་ཅིང་འབྲུ་མར་སེར་པོར་རྒྱང་ཐག་རིང་ལ་འོ་ཞོ་ལྷད་མེད་མྱོང་བ་ཉིན་རེ་བཞིན་དུ་ཇེ་དཀའ་ཇེ་དཀའ་ཡིན་ན་ཡང་།
ལུས་ཀྱི་ཆ་ལུགས་བརྗེས་ཤིང་ངག་གི་སྨྲ་ལྕེ་ལྐུགས་ལ་སེམས་པས་རང་ལྕོགས་མ་ཐུབ་ཉིན་རེ་བཞིན་དུ་ཇེ་ཐུ་ཇེ་ཐུ་ཡིན་ན་ཡང་།
ནས་འབྲ་སྔོན་མོའི་བྱུང་བ་མ་བརྗེད་ཡིད་ལ་ཟུངས་དང་སེར་ན་འདོད།
སྦྲང་དཀར་རྩམ་པའི་བཀའ་དྲིན་མ་བརྗེད་ཡིད་ལ་ཟུངས་དང་སེར་ན་འདོད།
ནས་འབྲུ་སྔོན་མོའི་འཁྲུངས་ས།
དགའ་ས་ལེགས་འོ།
མགོ་ནག་བོད་ཀྱི་ཕ་ས།
སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
སྦྲང་དཀར་རྩམ་པོའི་དྲི་ཞིམ།
དགའ་ས་ལེགས་འོ།
གངས་ཅན་བོད་པའི་ཐུགས་རྒྱུད།
སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
ནས་འབྲུ་སྔོན་མོའི་འཁྲུངས་ས།
དགའ་ས་ལེགས་འོ།
མགོ་ནག་བོད་ཀྱི་ཕ་ས།
སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
སྦྲང་དཀར་རྩམ་པོའི་དྲི་ཞིམ།
དགའ་ས་ལེགས་འོ།
གངས་ཅན་བོད་པའི་ཐུགས་རྒྱུད།
སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
དགའ་ས་ལེགས་འོ། སྐྱིད་ས་ལེགས་འོ།
