Cheng Xiong、 Douachi Yang - Dab Ntub Hlub
Wording: Cheng Xiong
Composingby : Cheng Xiong
Tus tu: Cheng Xiong、 Douachi Yang
C: Kuv yog neeg raug tso
Mob kuv lub me siab
Tsis muaj leej twg pom
Vim kuv poj niam mus tham tus tshiab
Ua rau kuv nyuaj siab lub neej ntxhov
Kuv lub me kua muag nws thiaj tau poob
Xyov yuav txog hnub twg
kuv lub siab no thiaj yuav hloov
Mam li mus pib dua tshiab mus sau
yus lub neej ruaj kom nws muaj zoo
Ces muaj ib hmo kuv npau suav
Mus pem hav dej mus taug ke ua si
Kuv thiaj pom ib tug hluas nkauj
zoo nkauj heev thiab hais lus luag ntxhi
Nws hais rau kuv txhob quaj
Luag tsis hlub los nws mam hlub
Ib me pliag kuv sawv los kuv thiaj xav
Ua li cas npau suav txawv ua luaj
Txij thaum ntawv kuv niaj hmo npau suav
pom tus hluas nkauj ntawv txhua hmo
Ces muaj ib hmo kuv npau suav
Nrog tus hluas nkauj
ncig chaw ntawm lawv zos
Ces nws cia li muaj
Ib tug txiv neej caij nees tuaj
Tus txiv neej cia li los ze ze ntawm kuv
Tuav nkaus kiag kuv txhais me tes
Nws hais kuv
Tus me tub
Nrog kuv mus
teb chaw no
tsis yog koj vaj koj tsev
Thaum ntawm kiag
Tus hluas nkauj thiaj los
tuav kuv txhais tes
Nws paub hais tias yog kuv mus
nws yuav tsis pom kuv ntxiv
Nws thiaj quaj nthi hai rau kuv hai tias
D: Txoj kev hlub tiam no npam ua nkauj zaj
Puas muaj hnub ntiaj teb cia ua ib khub
Kuv thov lub ntuj thov lub teb
zam kev rau wb
Kom nws cia wb sib hlub hauv dab ntub
C: Sij hawm ntawv kuv thiaj li nug
Tus txiv neej tias nws yog leej twg
Nws thiaj li teb kuv hais tias
Nws yog txiv neeb
Nws yuav coj kuv rov mus
Coj mus vaj mus tsev
Vim kuv niam kuv txiv txawj xeeb
Kuv thiaj teb nws hais tia kuv thov txim
ntshe kuv yuav tsis nrog nws mus mog
Thov koj rov qab mus yaj ceeb
Mus qhia kuv niam kuv txiv
kuv hlub lawv mog
Vim thaum ua neej nyob saum yaj ceeb
Tus yus hlub tsis hlub yus tiag tiag
Nws thiaj li muab yus ntxias
Dag siv tag nhro yus cov nyiaj
Yus lub neej thiaj tsaus nti
Tsis muaj leej twg paub
Tsis muaj leej twb yuav los ntsia
Tam sim no kuv twb nhriav tau
Tus neeg ua kuv zoo siab tus kuv hlub
Koj yuav hais npaum cas los
kuv yuav tsis kam
tig rov qab es nrog koj mus
Tus txiv neeb hais tias
Neeg nyob neeg Zaj nyob zaj
Yuav tsis muaj ib hnub twg dab zaj
nws Yuav yog ntiaj teb neeg tus tav
Thaum ntawv tus txiv neeb thiaj li cem
tus nkauj zaj tias yog tsis tso kuv
Nws Tsis txhob tu siab
rau tus txiv neeb
kuv Tus hluas nkauj zaj quaj nthi
tsis kam tso kuv sab tes
Thaum ntawv tus txiv neeb thiaj txheev
Nws cov khawv koob kiag
txheev leej vam com vam leej vam com
D: Txoj kev hlub tiam no npam ua nkauj zaj
Puas muaj hnub ntiaj teb cia ua ib khub
Kuv thov lub ntuj thov lub teb
zam kev rau wb
Kom nws cias wb sib hlub hauv dab ntub
C: thaum Kuv nco qab
ces kuv cia li sawv los
Hauv kuv lub me hoob txaj
Kuv thiaj li pom kuv niam kuv txiv
Kuv nug lawv tias yog ua li cas
Ua li cas kuv thiaj nyob no
Kuv nco qab kuv mam tsis nyob no
Thiab vim li cas Nkawv ho ob leeg
nyob nraim ntawm kuv ib sab no
Nkawv thiaj li qhia kuv tias
Kuv tsaug zog ib hnub no
Nkawv ob leeg tsa kuv
tsis txawj xeev los li
Nkawv thiaj li txhawj txog kuv
thiaj li mus nhriav txiv neeb
Tuaj saib kuv vim ob peb hnub dhau los
Kuv coj txawv txawv li
Kuv thiaj li nug kuv niam
Txiv neeb nyob twg
Tus txiv neeb thiaj nkag los hauv txaj
Txiv neeb koj siab phem
Koj tua kuv tus me hluas nkauj pov tseg
Ntshe zaum no kuv yuav
nyob kuv ib leeg
Tsis muaj nws los nyob ze
Tus txiv neeb thiaj hais tias
Thov txim os tub
Vim lub ntuj yeej tso kuv los pab neeg
Kuv cia li nyob ib tug chim chim
tu tu siab ua tsis tau dab tsi
Ntshe tiam no nqas tau
daim ntawv ntuag los Yog vim dab tsi
Ntshe yus muaj kev txhaum tiam tag los
Yus theej lub txim
Ntshe yus lam nyob lwj siab tiam no
saib Fab lwm tiam dab ntub hlub
wb puas yuav muaj ntxiv
C+D: Txoj kev hlub tiam no
npam ntawm Nkauj Zaj
Puas muaj hnub ntiaj teb cia ua ib khub
Kuv thov lub ntuj thov lub teb
zam kev rau wb
Kom nws cia wb sib hlub hauv dab ntub
C: hlub tiam no npam ua nkauj zaj
Puas muaj hnub ntiaj teb cia ua ib khub
Kuv thov lub ntuj thov lub teb
zam kev rau wb
Kom nws cia wb sib hlub hauv dab ntub
