在手机上保存，获得更好体验
Wille O Winsbury - Dick Gaughan
Lyrics by：Trad
Composed by：Trad
The king has been a puir prisoner
A prisoner lang in Spain
An Willie o the Winsbury
Has lain lang wi his dochter at hame
Whit ails thee nou my dochter Janet
Ye look sae pale an wan
Oh hae ye got ony sair sickness
Or yet been sleepin' wi a man
Oh I hae got nae sair sickness
Nor yet been sleepin wi a man
But it is for you my faither dear
Sae lang been ower in Spain
Tak aff tak aff yer berrie broun goun
Staun naked on a stane
That I micht ken ye by yer shape
Whether ye be a maiden or nane
So she's taen aff her berrie broun goun
Stoud naked on a stane
And her back it wis bent an her bellie wis slack
An her apron strings wadnae pin
Oh wis it a laird or a duke or a knight
Or a man o birth or fame
Or wis it wan my sairvin men
Sae newlie been ower in Spain
It wisnae a laird or a duke or a knight
Or a man o birth or fame
But it wis wi Willie o the Winsbury
A could nae langer lie my lane
Oh gin it be Wille o the Winsbury
As weil a trust it be
Then before that a dae eat or drink
And high hangit he will be
Thae've socht him up an thae've socht him doun
Thae've socht him sair an lang
Until thair in the shade on elder tree
It's Willie o the Winsbury found
Rise up nou Willie o the Winsbury cried
Rise up an haste away
For the king has sworn by his richt haun
That it is yer dyin day
Oh wha hae a robbed or wha hae a slain
Or wha hae a dune ony wrang
That a sud fear tae face the king
An the time sall no be lang
An whan he cam the king before
He wis dresst aa in the silk
His cheeks thae were like the berries red
An his skin wis as white as the milk
Or will ye marrie my dochter Janet
The truth in you richt haun
I will he marry my dochter Janet
An a'll mak ye a laird o the laun
O I will marry yer dochter Janet
By the truth o my richt haun
An I will marry yer dochter Janet
But the de'il tak aa yer laun
An he's mountit her oan a milk white steed
And himself oan a dapple gray
An he's made her the lady o as much laun
As she'd ride in a lang simmer's day
