Prestin & Yasmi - Nuj Nplhaib Thaib Ntxawm
Original artist: Kawm Muas
Music by :ZS Records
Singers: Prestin & Yasmi
P:
mi vaj tsev nyob txias twb to
tsis pom ib tauv pa taws ncho
pom hneev tsov poj ntxoog
tsuj los laig hauv zos
kuv nrhiav koj
tsis ntsib txog tus hneev taw
zaum no ntshe tsov txaij nrauv
ev kuv mi nkauj ntxawm lawm
mus kaw rau qab tsuas ntab
mus ciaj dab tsov sev lawm tiag
tig rov qab loo los mus tsev
hnov kuv lub siab mob khis rhe
los ntaus ntaj ntaus riam
hov ntse plias ntawm tes
sawv nce kev taug qab
tuaj mus nrhiav koj
tsis nco ntshai ntshav yuav nrog
tsis nco ntshai nqaij yuav to
tsis nco ntshai dab ntshai tsov
tsuas ntshai kuv raws tsis tau koj
tshav ntuj nrig mi kab
noog quaj zom zaws
koj lub chaw uas luag tso koj noj sus
tej mi qhov cub mi tshauv
twb tuag nphob tsus
nplooj ntoo nplooj hmab
twb qhuav twb tuag daj tag
kuv puas yuav ncav koj
lawm na mi nkauj ntxawm
zoov nuj txeeg loj tis ua loj
hnov liab cuam sib nthe ntshoos nroo
mi noog daum dab laug quaj
ntxuaj tis plis plawg
mi nkauj ntxawm koj
nyob lub kaum zoov twg
fiv yeem nyuj fiv yeem twm
fiv yeem npua fiv yeem ntxhw
kom kuv taug tau koj qab
coj koj rov mus thiaj tag
de lis nrho daim nplooj
los tuav ntawm tes
pwm pwm sis ceb nkauj
ntxawm koj nyob qhov twg
yog koj tau hnov lub suab
qwv nplooj tuaj txog
thov koj ho teb nuj
nplhaib ib suab ib los
zoov dav luaj no nkauj
ntxawm koj puas yuav hnov
Y:
mi dab tsov hlob tis uas hlob
koj yuav tuaj ua tus dab tsi
koj mi ntxhais nkauj ntxawm
twb ciaj dab tsov lawm
ua ib siab rov qab mus koj mog
P:
txawm yuav ciaj dab ciaj tsov
txawm yuav ciaj nroj ciaj tsua
los kuv yuav pus koj rov
coj koj rov mus thiaj tag
