Res est admirabilis (Conductus)

Res est admirabilis, virgo venerabilis parit, sed intacta

Sine viri coitu plena Sancto Spiritu genitrix est facta

Cardine de supero rore salutifero venter fecundatur

Peperit fecunditas et sacra virginitas integra servatur

Sicut ros in gramine descendit in virgine verbum summi patris

Patrem non deseruit, et mortalem induit forma alvo matris

Sicut terram pluvia sic divina gratia virginem fecundat

Sanctus eam Spiritus a peccato penitus abluit et mundat

Non est opus hominis, sed est opus numinis et magne virtutis

Concipit exgenerat, que virum non noverat auctorem salutis

Amen