在手机上保存，获得更好体验
तुंहिंजो अर्श रंगी आंचल, मूंखे डाढो वणी वियो आ।
चंड ककरन मां निकतल, मूंखे डाढो वणी वियो आ॥
---
मदहोश करे वई आ, तुंहिंजी जुल्फ़िन जी खुशबू,
अञां ज़ेहन में थी गूंजे, तुंहिंजी गुफतन जी खुशबू।
हर ख्वाब नशे में बुडल, मूंखे डाढो वणी वियो आ।
चंड ककरन मां निकतल, मूंखे डाढो वणी वियो आ॥
---
दुनिया में असां एडो बई, केंह खे न चाहियो आ।
तोखे मन जी मंदर जो, भगवान बनायो आ।
जीवन जो अमर हर पल, मूंखे डाढो वणी वियो आ।
चंड ककरन मां निकतल, मूंखे डाढो वणी वियो आ॥
---
तुंहिंजी चुनरी, चोली जा, उहे गुल नथा विसरन,
अञा चूड़ियिन जा गोरी, से हुल नथा विसरन।
तुंहिंजी जुल्फिन जो त बकल, मूंखे डाढो वणी वियो आ।
चंड ककरन मां निकतल, मूंखे डाढो वणी वियो आ॥
---
हिन मुंद मल्हारी में जॾहिं वार तो छोड़िया थे
तॾहिं हलन्दे हर कंहिं जा तो रस्ता मोड़िया थे
तुहिंजो चहरो गुलाबी भिनल, मूंखे डाढो वणी वियो आ।
चंड ककरन मां निकतल, मूंखे डाढो वणी वियो आ॥
---
जॾहिं"सागर" सुर छेड़या तो साथ ॾिनो सुर में,
मेंदी जी महफ़िल में तो रक़्स कयो गुर में,
पंहिंजो छा त हो मेड़ो मतल, मूंखे डाढो वणी वियो आ।
चंड ककरन मां निकतल, मूंखे डाढो वणी वियो आ॥
---
मूंखे डाढो वणी वियो आ…
चंड ककरन मां निकतल…
मूंखे डाढो वणी वियो आ…
