Fantasticar

Oeeee, Pope, Oeeee, Pope

Quando giro co la barca a modo mio, fermo el remo e me fisso a vardar

Na finestra, un barcoleto dentro a un rio, e comincio pian pianeo a fantasticar

Soto al ponte ghe xe'l spazio par passàr, passa la gondola de fianco, ma che bei

Sora al ponte do veceti a ciacolar, col turista che fotografa i putei

Oeeee, Pope, Oeeee, Pope

Ea xe magica e intrigante, ogni volta mai ugual

In stà città xe importante aver ocio par vardar

Statue, done, pozzi e vere, e poi tuto intorno al mar

Xe davéro un gran piacere saver poi fantasticar, oe

Fra le calli mi appare un barbacan, sotoporteghi nascosti e nuovi amor

Un colombo che me varda da lontan, un'altana, tante piante e tanti fior

Capiteli de cemento qua e là, nizioleti par capire dove andar

Da la barca se capisse la città dove xe belo fantasticar

Ma quando vado un po’ fora, l'ocio comincia a spaziar

L'ora che l'acqua se indora

E col sol se va a sbassar

Ma de note tute e stele

E comincia a brillar

Col frescheto su la pele

Mi scominsio a fantasticar