Zurkhnii Amrag - Zamilan
Composed by：Balkhjav Lkhagvadorj/Zamilan Davaahuu
Зүүдэн хээтэй орчлонгийн
Зүүсгэл гоёл шиг сэтгэл минь
Зүмбэр цээжинд сийлбэртэй
Зүрхний амраг аа
Саран дэнлүүтэй тэнгэрийн доор санаж хүлээн ээ
Санчиг буурал хорвоог хамтдаа туулахсан
Хан хурмаст тэнгэр минь
Хатуу бүхнийг зөөллөөсэй
Ханан гэртээ ханьсах зол нь үнэн байг
Хун галуу хотолсон
Хувь тавилангийн тойромтой
Хулан тахийн шүншигтэй
Хутагтын нутаг минь
Наран ургах талынхаа манхан дундаа
Насны амраг чамайгаа хүлээж сууна даа
Хан хурмаст тэнгэр минь
Хатуу бүхнийг зөөллөөсэй
Ханан гэртээ ханьсах зол нь үнэн байг
Замбуулин хорвоодоо
Залбирал манасан ижий минь
Заяа буянг минь
Цацлаа өргөж ариусгаарай
Хан хурмаст тэнгэр минь
Хатуу бүхнийг зөөллөөсэй
Ханан гэртээ ханьсах зол нь үнэн байг
Замбуулин хорвоодоо
Залбирал манасан ижий минь
Заяа буянг минь
Цацлаа өргөж ариусгаарай
Заяа буянг минь
Цацлаа өргөж ариусгаарай
