Se Canta

Dejós ma fenèstra

I a un aucelon

Tota la nuèit canta

Canta sa cançon

Se canta, que cante

Canta pas per ieu

Canta per ma mia

Qu'es al luènh de ieu

Dessús ma fenèstra

I a un ametlièr

Que fa de flors blancas

Coma de papièr

Aquelas flors blancas

Faràn d'ametlons

N'emplirem las pòchas

Per ieu e per vos

Aval dins la plana

I a un pibol traucat

Lo cocut i canta

Benlèu i a nisat

Aquelas montanhas

Que tan nautas son

M'empachan de veire

Mas amors ont son