Dek Bansaik Ayah Coiko

DEK BANSAIK AYAH COIKO

Karya.Irwan Carano

Pado batanam lobak lambau

Elok lah sawi den tugakan juo

Dari pado manangguang hati risau

Elok lah kampuang den tinggakan sajo

Dek di rumah ayah indak guno lai mah nak oi

Mangko ayah pai ka rantau urang

Dari pado manyeso nyeso urang

Bialah ayah tinggakan kasih jo sayang..

Baitu bana nasib kalau lah tuo....

Urang mamandang sabalah mato.,

Iyo malang bana untuang ayah ko

Dek bansaik juo mangkonyo ayah coiko

Pado rumpuik elok lah padi

Pandan tajelo kasubarang

Pado hiduik bialah mati

Dari pado manyeso nyeso urang