Cypher22 (Explicit)

Inzwüsche si di crews und ou s publikum am schwurble

schick no einisch sone message hesch e fuscht i dire gurgle

und heads wo früecher d whachness i dämm dumme knack hei gseh

poste jetz videos uf instagram vor junge svp

I ha sämtlechi gseh vo eune likes uf schwurbelposts

vode glichsetzige mit massnahme und dr judeverougig

und drum muesi nomu jetz säge: figget nech hert

ide songs am teache und preache aber heits no immer nid glehrt

Mängisch hani sgfüeu i sig dr einzig wo no cool isch

wiu sogar dr conscious guru gäge fake news nid immun isch

dini crew isch früecher no uf d stross gäge system geil

hüt heiter angscht vor chemtrtails

Das geschwurbel ueche und vernunft is seichte abgeheit

hani bi auem understatement scho im cypher 18 gseit

und ha scho pre corona gäge die schwurbler s muu ufgmacht

weni so ume luege hani sgüeu - dir heit nid so guet ufpasst

I überchume morddrohige und mis outo wird bespuckt

ha prozässe am haus wiu populiste si verruckt

aber luegi uf d profil vo öich widerlech truther

dänki jedesmou **** mit dir wetti nid tuusche

I bi glücklech - lueg mis läbe isch dr shit

i ha troubles links und rächts aber lächle i dr mitti

i ha isicht und i kämpfe dür die iisschicht

und weni ibrich - sägi zu mir uf portugiesisch:

Tudo o que quiseres já está contigo

Amigo deixa de olhar para o teu umbigo

Du lidisch a satanic panic tägliche dokus bewises

du hesch sone verschrobnige wisse

ma i dim chopf dä mues schisse

du meinsch no sig kot sigi wisheit

aber füeterisch nur dini krise

bro los ufe dävu er zeigt sini schwärtkunscht und liferet en analyse

Easy du bisch cool drfür isch dr david klüger

är weiss du meinsch meischtens nume - dunning krüger

dini youtube magistrate wei nume gäud si aus betrüger

aber was isch de is wtc gfloge, david? flüger

Dr bill gates isches arschloch aber ou e sehr e gschide

wo drfür sorgt dass uf dr wäut fasch niemer meh a pollio mues liide

es git ke tüüfu ussert dä wo du dir wünschis

und i jedem qanon mythos die eiget abrund ergründisch

Tscheggscht während du di uf telegram bewegsch

tscheggsch nid dass mit täter unger eire dechi stecksch

versteckt di - du meinsch du heigisch d wohrheit entdeckt

aber bisch eigentlech perfekt mit dire torheit fürne sekte

Gurus säge mi cha azieh wasme seit das isch krass

aber de law of attraction isch eigentlech e pharce

wiu jedem das seine steit ufemne tor vomene kz

nid jeden isch e nazi wo dass seit aber fasch

I chume i booth und i cutte die szene in half wienes poulet

gäbet forfé dir sit ke crew me - dir si a haufen schwurbler

dir sit fuu wenns umne reflektion vom ganze da geit

i schribene masterarbeit drüber wieme e maske aleit

Dir heit d maske abgleit jetz gseht me dr hass i däm face

dr virus wüetet i dim kreis in miracoulous ways

gät mr es pape i roue rückwärts mitemne z fiuter

dini zouberformle isch nume mitemne rezäpt giutig

Wär geit mit dr zyt lueg dr gschwinder isch dr ender ey

dir sit aui blibe hange wär nid impft muess gendere

faus mi öpper suecht i bi ganz vore am flowe

und säge i hassfore de hanjoggle - transfroue si froue

Popbarde hei e krise in cis dur

i bi säuber e krise aber no easy fürne wiisse cis dude

i verteidige die sisters ire rasche

im rügge scham wäg eigete sexistische phrase

Vor paar jahre hätti no gseit kunstfreiheit darf aus

aber dudes si offe mönschefindlech und bechöme no applaus

unger dr berücksichtigung vo de enthüllige um metoo

gits bi gwüssne theme ke spiuruum meh für ironie, dude.

Und i weiss kritik isch hert und hingerloht oft spure aute

aber mi chönnt jo öppis lehre, zuelose tschnurre haute

aber anstatt das au die muetersöhn und vätere lehre

üebe si ech ider aute opfer täter umcherig

Aber dr knäck mues ou chere vor dr eigete tür

mänge vo mine berüemtischte teggschte het es eiterigs gschwür

und das beröieni sehr bi jede tag am stress empfache

cha nume amer schaffe und vrspräche dasis wott besser mache

I verloh die szene villech das johr - wirdi vierzgi

villech bini cringe aber dir sitmer frustrierti

lueg mit däm chönnti läbe i bi scho chline vogu

aber i spende ke time meh mit öich toxische trotle

Tuusig rapper hie aber die seck si common und dreist

nachem cypher 18 isch das hie wie the second coming of christ

es coming of age dr dävu isch e komischi cheib

är het e boge vo papes är het schowider breicht

Ig akzeptiere dass i di layers ha

mir macht ds nüt dasi die haters ha

frücher bini promi gsi jetz bini e papi

wemi öpper suecht - i bi ir therapie