在手机上保存，获得更好体验
und wieder so vrdorbe am morge uffgwacht, dr täglichi durchfall
mr ins gsicht klatscht, übelscht satt, vrgore wie neh o-saft
mit pilzbefall, mitem usstrochnete teppich uff dr zunge ins bad schlyych
und wieder das gsicht im spiegel vrglyych, mit dere ach so tolle
wärbewält, zu knapp zum läbe aber zuviel zum stärbe gäll,
wie hässlich die fratze, chum y vrnäble seh schnäll, so standhaft
mit viel manneskraft, klafft in mir eh riesige abgrund, unüberbrückbar
beziehige wie neh stückzahl inere fabrik, dauerthema,
welli hesch denn geschter gfickt, bloost, seelelos, währendäm
ych emotionslos hohl, immer meh vom mir wägdrift...
Ref(2x)
Und wieder, eh tag meh hinter mi broocht
Und wieder, mi seel im kochtopf wiiter kocht
Und wieder, again and again
Und wieder, again and again
Bisch jo schiinbar allai, aber weisch wenn problem hesch
Intressiersch würklich kain, verfliegsch, gränzwärtig
Mutiersch, zwangswiis wirsch s’opfer voh dim innerschte schwein
Ussglieferet, an alltagstrott, so gottlos als holzpflock,
im läbensholzschopf, kopflos wie früsch guillotiniert
und wieder ins bett kriech unter d’decki, y bi so läbensmied
das chunnt mr aifach z’frieh, mi wäg zu aasträngend,
dr boode berüehr, eh andauerndi felgefahrt, vrpass die richtig ussfahrt
um noh gsund ins tal aabechoh, jede buechstabe schmärzvrziert
kreiirt, das tier in mir isch nüm z’bändige, y dängg an yyschlöfere
und mi am tierheim usshändige...
Ref(2x)
Wo isch das glückliche kind bliibe, vom wältschmärz vrgwaltigt,
gschändet, vrtriibe, an suizidrändli mit deh händli
an dr pestizidschoppefläsche, am nuggele, will nur noh s’gift leer suggele
eh neui art mi voh dr vrantwortig z’drugge, mag nüm duure tag vegetiere
ussbrennt, in mim innerschte sibirische winter z’friere, mi massakriere,
malträtiere, mi mit irgendwelche substanze quer subventioniere,
uff kurzi distanze z’katapultiere, vom tief zum tiefere punggt,
d’froog bliibt öb s’noh tiefer chunnt, y dänggs mol nit als pessimischt
jep, y lad duure, entsichere und drugg ab und beänd däh ****
