RAFF DICH UUF
Hüt bin ich am Zmorgetisch gsässe
Voll am Tänke, total besässe
Natürli hani nüüt möge ässe
Nur ächli Kafi i dä Tassä
Han überleit was mis Läbe so bringt
Ob dä tüüferi Sinn überhaupt no stimmt
Häts än Funkä wo zündet und springt
Oder äs Vögeli wo für mich singt
Wuche für Wuche ziät alles verbii
So isch es di letschte Jahre scho gsii
Ich sitze mäischt da und nimms eifach hii
Ganz ehrlii, das chas doch nöd sii
Raff dich jetzt uuf
riis dich chli zäme
lauf doch berguuf
oder gschiider grad räne
Raff dich jetzt uuf
chlüb dich in arsch
Eifach nur dänke isch längstens nöd gnuäg
Wasser isch nutzlos so ganz ohni chruäg
S’bruucht echli meeh, s’bruucht echli muät
Es wott niemert spände, liit deete kein huät
Ich blaas echli trüäblsaal, ich bin echli down
ich chan super froid ha, doch numä im traum
stell der mal vor, dis läbe wär en baum
vo unä nach obä, glotze und staun
dä baum isch diis läbe, cool oder nöd
hät er käi wurzle, dänn isch’s zimlich blöd
hät er käi bletter, dänn isch’s total öd
gisch äm käi wasser, find ich das echt schnöd
Raff dich jetzt uuf
riis dich chli zäme
lauf doch berguuf
oder gschiider grad räne
Raff dich jetzt uuf
chlüb dich in arsch
Sitz also dete und chumä nöt wiiter
s’Hirni rüücht scho, aber ich wird nöd gschiter
Süäss uf dä Zungä, im Herz bliibs bitter
Kurz zämegfasst, alles isch schitter
Debi wär’s doch super, all’s isch tiptop
D’Chance sind da, aber ich gseh dä flopp
Wänn alles zschnell dräht, dänn rüäf eifach stopp
sitz uf diis pferd und ritt im galopp
Drum pack ich’s jetzt a, sofort und jetzt
well ’s tuät mer nöd guät, han mich verletzt
s’ziet mi nur äbe, id höli versetzt
und wenn ich so luäg bini sälber entsetzt
Raff dich jetzt uuf
riis dich chli zäme
lauf doch berguuf
oder gschiider grad räne
Raff dich jetzt uuf
chlüb dich in arsch
Raff dich jetzt uuf
chlüb dich in arsch
