Agir Barî

Agir barî mêrg û beyar e,

Bûn kerkong û rijik:

Bilbil li baxê min ne yar e,

Li dewsê ma qijik.

Çi bê hed in gunehên xelkê:

Yara min e ziyaret,

Li dewsa ku nemerd bike delkê

Min dide cizaret:

Nade dest min soz û gilî

Di dilikê min de - eman,

Baxçeya min ê gulî-milî

Dibe toz û dûxan.

Ez ê herim, ziyaretvan im,

Ber bi ezizyarê,

Weleh, ji wê re ez qurban im,

Li dest û piyan bêm xwarê

Bila mîna berxa qurban

Li ber şerjêbim yekcar,

Tek rehma wê bibe baran

Di xwîna min re bê xwar.