Capicorsu cume una brama
Chi chjocca a i to capanili
Da Centuri a e to cappelle
Girate versu a balagna
In u passu di san Martinu
Nant’a e creste e i camini
Si di mare e d’erba barona
In i prufumi di sittembre
A l’alti maghji di vascelli
Da Giraglia cume perdonu
Per tutti l’omi di quallà
Partuti per ma più vultà
In tè so mille e timpeste
Nantu a i scogli di ferraghju
Da Marinca a l’alte bocche
Duve l’onde correnu leste
E rivoccanu à fiume scemu
A fiume scemu
Capicorsu fin’a l’eternu
In u prufondu di mare nostru
Da e brusgiente calaticcie
Fin’a a u silenziu d’invernu
Si l’esiliu e l’eternità
L’eternità
