Gaude Maria templum summe majestatis,
Gaude Maria speculum virginitatis.
Gaude Maria lex testamenti gratiae,
Gaude Maria lux ornamenti gloriae.
Gaude Maria vera spes veri gaudii,
Gaudium nobis sit dulcis vultus filii.
Salva nos et serva in saeculum saeculi,
Ubi te sanctorum contemplantur oculi.
Ave mater gloriosa,
casti candor lilii.
Ave mixtus odor rosae
summi spes solatii.
In procinctu viae stamus,
lassis manum porrige.
Tua prece ne cadamus
gressus nostros dirige.
Virgo Maria.
