Ave Maria, gratia plena,
Dominus tecum, virgo serena.
Ave cujus conceptio,
Solemni plena gaudio,
Celestia, terrestria,
Nova replet letitia.
Ave cujus nativitas
Nostra fuit solemnitas,
Ut Lucifer lux oriens
Verum solem preveniens.
Ave pia humilitas
Sine viro fecunditas,
Cujus annunciatio
Nostra fuit redemptio.
Ave vera virginitas,
Immaculata castitas,
Cujus purificatio
Nostra fuit purgatio.
Ave preclara omnibus
Angelicis virtutibus,
Cujus fuit assumptio
Nostra glorificatio.
O Mater Dei,
Memento mei.
Amen.
