‘A notte se mette ‘o mantiello ‘e stelle
e cummoglia chi dorme
scenne pe ‘e grare e aspetta dimane
s’annasconne dinte tirature
move ‘e mane ‘e chi scrive
trase dint’ ‘e suonne
appiccia mille sigarette
‘e chi penza ca dimane smette
Jenche ‘e bicchier’ ‘e chi veve
svacanta ‘e sacche
arape ‘e sciure pe te fà vedè
‘a meraviglia ‘e stu criato
move ‘e lenzole ‘e chi nun se fà capace
ca tutto è fernuto
porta paura ‘o gioia a chi vò tutto
e a chi vò niente
Puortale cunsiglio
levame stu peso ‘a ‘ncoppe ‘o core
e lassate scarfà
ossaccio ossaccio ca nun sò justo
ma trovame ‘nu posto
che tanto ‘a notte passa
e dimane torna ‘o sole
‘A notte annasconne ‘e culure
e fa sbattare l’onne
nun se ne ‘mporta e chi scenne
quanne fà saglì stu viento
e move ‘e mmane e chi arrobba
nun tene cuscienza
abballano ‘e lampare mmiez’ ‘o mare
e fanne fess’ ‘a tutt’ ‘e pisce
Puortale cunsiglio
levame stu peso ‘a ‘ncoppe ‘o core
e lassate scarfà
ossaccio ossaccio ca nun sò justo
ma trovame ‘nu posto
che tanto ‘a notte passa
e dimane torna ‘o sole
