Ez Ji Te Hez Dikim

Nizanim xayîn î, nizanim bi bext î,

Nizanim oyîn î, nizanim her wext î,

Nizanim şibhan î, nizanim alçax î

Nizanim nuxsan î, nizanim qibrax î,

Nizanim li erdê yî, nizanim li esman î,

Nizanim xwedê yî, nizanim însan î -

Ez ji te hez dikim!

Ya rabilalem,

Ya rehm û kerem,

Ya nêt û merem,

Ya şert û qesem,

Ya xeyal û xem -

Herdema min.

Û gurr e, û gurr e, muhbeta min pirr e,

Bi ser te de dixure, bê bend û bihur e,

Tijî lal û durr e û hur e, û hur e,

Xendeqan dibirre, di kendalan dizivire,

Difire, difire.

Û hevsûd û bêkêr, nuxsan û necamêr,

"Kal û extiyar","xort û mêr", gedengên duh na pêr

Girtine mer û bêr û xişpik, şîş û kêr

Dikin ku fend û sêhr bibirrin li jor û jêr

Ew qilêr, ew qilêr.

Lê har e, lê har e, li sirt û beyar e,

Nepenî ye, berwar e, difire tê xwar e,

Qibrax e, kubar e, şemal e - dibare

Gazî û hewar e:"Ha were, ha were..."

Ez ji te hez dikim!

Ya rabilalem,

Ya rehm û kerem,

Ya nêt û merem,

Ya şert û qesem,

Ya xeyal û xem -

Herdema min.