wb lub neej niaj hnub sib cav sib ceg
Nyob ua ke los tsis muaj kev zoo siab
Koj Ntxub Kuv kuv los Ntxub koj
wb ob leeg puav leej mob siab
Koj tsis xav nrog kuv ua neej ntxiv
Kuv los tsis xav nrog koj nyob lawm
Txhua hnub dhau mus muaj kua muag
Lub siab mob heev los tseem ua siab ntev
Muaj ntau zaus kuv xav tso koj tseg
Tiam sis tig ntsia wb cov me nyuam
Kuv thiaj muab kua muag zais cia
Ua txuj luag ntxhi kom lawv tsis paub
Koj nyob ntawm no los koj lub siab tsis nyob
Kuv nyob ntawm no los kuv zoo li nyob ib leeg
Ob leeg nyob hauv tib lub tsev
Los zoo li ob tug neeg tsis sib paub
wb nyob ua ke vim yog me nyuam
wb ua siab ntev los tsis yog vim kev hlub
Koj tsis xav nrog kuv mus ntxiv
Kuv los tsis muaj zog yuav tuav koj lawm
Yog tsis muaj wb cov me nyuam
Tej zaum wb twb sib ncaim ntev lawm
Tiam sis vim hlub wb cov me nyuam
wb thiaj thev dhau ib hnub dhau ib hnub
Leej twg paub kuv lub siab mob npaum li cas
Thaum hmo ntuj los kua muag ntws tsis tu
Kuv xav qhia los tsis paub qhia rau leej twg
Kuv xav quaj los tseem ntshai me nyuam hnov
wb txoj kev hlub ploj mus qhov twg lawm
Vim li cas tshuav kev chim thiab kev mob siab
Ob leeg tseem nyob hauv tib lub neej
Los tsis muaj kev zoo siab li qub lawm
wb lub neej nyob li no txog thaum twg
Kuv los tsis paub koj los tsis hais
Tsuas thov kom wb cov me nyuam loj hlob zoo
Txawm niam thiab txiv lub siab yuav mob npaum li cas
wb nyob ua ke vim yog me nyuam
wb ua siab ntev txog niaj hnub no
Txawm ob leeg tsis xav nrog ib leeg nyob
Los tseem ris lub neej no vim yog me nyuam…
未经许可,不得翻唱或使用