Corsica ti pregu salute

CORSICA TI PREGU SALUTE

Per l’amore ch’e’ ti portu

Pè i strazzi lu m’impone

Per ciò ch’in noi s’hè mortu

È mi luce di passione

È pè e gioie ricevute

Eiu ti pregu salute

È per l’omu chì ci nasce

È chì ci ritorna pè more

È per quellu chì per pasce

Oghje lu tempu corre fora

Per tante cose vulsute

Eiu ti pregu salute

O tantu sangue t’ai persu

Tantu sangue chi t’hè corsu

Nant’à tuttu l’universu

Pare di pocu succorsu

À le to anime mute

Eiu li pregu salute

Voi chì ci avete cumpratu

Voi chì ci avete vindutu

Senz’avecci dumandatu

Senz’avecci prevenutu

Nè vi pregu nè vi salutu

In faccia vostra eiu vi sputu

P : Francescu Mattei - M : Jérôme Casalonga