在手机上保存，获得更好体验
Svegliati aio chi hè ora
E poni l’arechje al cantu
I culombi sonu fora
Chi t’anu chjamatu tantu
Una voce chi ribomba
Svegliati cara culomba
Quand’ella colla per chjesa
La culomba cù le piume
Quand’ella torna à falà
Un ghjetta ch’è splendore è lume
Quand’ella s’indinuchjeghja
L’alma è i cori incatineghja
Sottu à la vostra finestra
Piantà vogliu un pullone
Lu vogliu assuvà di risu
E innacquallu di licore
Quand’ellu ferà lu fruttu
Tandu feremu l’amore
