Mormond Braes (Full Length)

As I gi'ed in by Strichen toon

I heard a fair maid mournin'

She was makin' sair complaint

For her true love ne'er returnin'

CHORUS

Fair ye weel ye Mormond Braes

Far aft times I've been cheery

Fair ye weel ye Mormond Braes

For it's there I lost my dearie.

There's aye guid fish intae the sea

That's never yet been taken

I'll cast my nets and try again

For I'm only ance forsaken.

CHORUS

Fair ye weel ye Mormond Braes

Far aft times I've been cheery

Fair ye weel ye Mormond Braes

For it's there I lost my dearie.

There's mony a horse has snappered and fa'n

An' risen again fu' rarely

Mony a lass has lost her lad

An' gotten anither richt early.

CHORUS

Fair ye weel ye Mormond Braes

Far aft times I've been cheery

Fair ye weel ye Mormond Braes

For it's there I lost my dearie.

I'll pit on a gown o' green

As a forsaken token

That'll let the young lads ken

That the bonds o' love are broken.

CHORUS

Fair ye weel ye Mormond Braes

Far aft times I've been cheery

Fair ye weel ye Mormond Braes

For it's there I lost my dearie.

I'll gae back tae Strichen toon

Whaur I was bred and born in

There I'll get anither sweet he'rt

Wha'll marry me in the mornin'

CHORUS

Fair ye weel ye Mormond Braes

Far aft times I've been cheery

Fair ye weel ye Mormond Braes

For it's there I lost my dearie.