Mir schenken der Ahl e paar Blömscher - Et Cetera
Em janze Veedel es die ahl Frau Schmitz bekannt
Se w**d vun allen nur et Schmitze Bell jenannt
Die hätt nit viel es nit besonders rich
Un hätt noch lang nit jede Meddaach Fleisch om Desch
Nur ein Deil jit et wo se Freud' dran hätt
Dat sinn die Blömscher op ihrem Finsterbrett
Mer schenke dä Ahl en paar Blömscher
E paar Blömscher für ihr Finsterbrett
Mer schenke ihr e paar Blömscher
Denn die ahl Frau Schmitz die es esu nett
Un klopp och öfters ens 'ne Ärme an ihr Dür
Dat se janix jitt ich jläuv dat kütt nit vür
Un se es och nit rich es keine Milljonär
Jet zo verschenke dat fällt ihr jar nit schwer
Un sinn et nur zehn Penning un nit mih
Dovür hät se ävver unsre Sympathie
Mer schenke dä Ahl en paar Blömscher
E paar Blömscher für ihr Finsterbrett
Mer schenke ihr e paar Blömscher
Denn die ahl Frau Schmitz die es esu nett
Un es die ahl Frau Schmitz ens einmol nit mih do
Dann deit dat manchem wih dat es doch klor
Un wor se och nit rich hatt net besonders vill
Su wor se doch für uns all et Schmitze Bell
Un wenn für sie och längs kein Blom mih blöht
Dann singe mer für sie noch ens dat Leed
Mer schenke dä Ahl en paar Blömscher
E paar Blömscher für ihr Finsterbrett
Mer schenke ihr e paar Blömscher
Denn die ahl Frau Schmitz die es esu nett
