Heval Dijwar

Pêşgotin:

Dijwar û Xelîl û Xeyrî şehîd ketin namirin

Xaka Kurdistan şûştin ji gemar

Namirê Xelîl bimrê sitemkar

Namirê Xeyrî bimrê kedxwar

Namirê Dijwar hevalê hozan

Bijî serxwebûn bimrê koledar

Hey heval Dijwar dengbêj û hozan

Pilingê başûr zana û rêzan

Dengê tembûra te di nav malan

Xweş dikir dilê piçûk û kalan

Ax hozanê gel heval Dijwar

Ji bo Azadî te dikir hawar

Te dicivand tev dost û heval

Bi dengê xwe yê xweş hozanê delal

Bûye partîzan bûye tekoşer

Te xebat dikir her cî û her der

ji bo xelasiya Kurd û Kurdistan

Bin zilm û zora sitema giran

2'yê Mijdarê qesroka gelî

Fîşek dibarin wek toz û xwelî

Ji devê firok, top û tifingan

Bi ser Dijwar û wan 6 lehingan

Di qada cengê de tu bûyî xweşmêr

Li dijî mirinê tu bûyî wek şêr

Berxwedana te wê tiris da neyar

Paş ve direvin ser zik wek mar

Şervanê başûr li wir bûye şehîd

Wek Cewdet, Rênas û Egîd

Ji bo Azadiyê ji bo rizgariyê

Dijî koletiyê dijî kedxwariyê

Hevalên te ne em tev de Dijwar

Tekoşîna te em ji bîr nakin

Doz û tola te em winda nakin

Berxwedana te kete dîrokê de

Ya dijî dijmin ya di Cûdî de

……………………………………..

Ev stran ji alboma Ava Mezin ya sala 1990'an a ji berhemên koma Cûdî ya bajarê Dêrika Hemko ye

Helbest: Diljan Cûdî

Awaz: Şehîd Emîn Sofî

Deng: Kerîma Sofî