Kev Hlub Loj Npaum Dej Hiav Txwv - Ali Chang/Deeda Thao
Lyrics by：Ali Chang
Composed by：Ali Chang
Original artist: Kawm Muas & Maiv Ntxawm Tsab
Hu nkauj：Dib xwb、Kay Xiong
A:
koj hais tias txoj kev hlub
thiab txoj kev nco
nyob rau tiam no muab tag rau kuv xwb
nws loj thiab dav npaum li
tus dej hiav txwv
los yeej tsis pub ntws mus rau leej twg
D:
txoj kev hlub uas kuv tau muab rau koj
nco ntsoov khaws cia kom tag ib txhis
tsis txhob pub nws poob mus rau luag
lub kua muag thiaj li
yuav tsis poom nrog
A:
cas hnub no koj ho tso kuv nyob
quaj seev yuj yees rau wb txoj qub lw
tig mus ntsia rau qhov twg
los tsis pom koj
mob lub siab lub plawv
npaum li kub nyhiab
D:
tsis yog kuv tso koj mus
tsis muaj nuj nqis
vim yog tias wb daim ntawv
nyiaj keeb puaj txwm
nws ya yuj yees pem ntuj
los tsis sib txig
wb thiaj tsis sib tau li lub hais tseg
A:
yog ntxov paub
tias koj yeej tsis hlub kuv tiag
cas tsis ntxov qhia es wb txhob sib hlub
cia wb ua nkauj muam thiab nraug nus xwb
ntshe yuav zoo dua wb ua nkauj ua nraug
D:
ntshe koj kuv wb txoj hmoo tsis sib raug
kuv thiaj tau tso koj nyob ib leeg xwb
kua muag ntws poob rau wb tej qub lw
thiaj mob siab mob ntsws
npaum li kub nyhiab
A:
ntshe yog thaum koj kuv wb tau ua txhaum
tiam no luag thiaj
tuaj txeeb koj mus lawm
es thiaj li raws tsis cuag
wb tus npau suav
kuv quaj hu npaum twg koj thiaj tsis rov
D:
hnub no kuv yeej tsis tau
xav tso koj cia
los yeej yuav tau ua ib siab tso mog
vim tias wb tsis nco nqa
daim ntawv txij nkawm
thiaj rub tsis tau wb los nyob ua kev
