Hierosolyma Caelestis - Nû Alrêst Lebe Ich Mir Werde (宗教作品《天国之城耶路撒冷》 - 如今我重获新生)

Nù alrèst lebe ich mir werde

Nù alrèst leb'ich mir werde,

sit mìn sündie ouge siht

lant daz hêre und ouch die erde,

dem man vil der êren giht

mir'st geschehen, des ich ie bat:

ich bin komen an die stat,

dà got menneschlichen trat.

Schœniu lant rich unde hère,

swaz ich der noch hàn gesehen,

sò bist du'z ir aller ère

waz ist wunders hie geschehen!

daz ein maget ein kint gebar

hère übr aller engel schar,

was daz niht ein wunder gar?

Hie liez er sich reine toufen,

daz der mensche reine sì;

dò liez er sich hie verkoufen,

daz wir eigen wurden frì

anders wæren wir verlorn,

wan sìn sper, kriuz' unde dorn:

wè dir, heiden, deist dir zorn!

Do er sich über uns wolde erbarmen,

hie leit er den grimmen tòt,

er vil riche übr uns vil arrnen,

daz wir kœmen ùz der nòt

daz in dò des niht verdròz,

dast cin wunder alze gròz,

aller wunder übergenòz.

Hinnen fuor der sun zer helle

van dem grabe, da er inne lac

des was ie der vater geselle

und der geist, den nieman mac

sunder scheiden: èst al ein,

sleht und ebener danne ein zein,

als er Abrahàme erschein.

Do er den tievel dò geschande

daz nie keiser baz gestreit,

dò fuor er her wider ze lande

dò huop sich der juden leit,

daz er hèrre in huote brach

und man in sit lébendic sach,

den ir hànt sluoc unde stach.

Dar nàch was er in dem lande

vierzic tage: dò fuor er dar,

dannen in sìn vater sande

sìnen geist, der uns bewar,

den sant' er hin wider ze hant

heilic ist daz selbe lant,

sìn nam ist vor gote erkant.

In diz lam hàt er gesprochen

einen angeslichen tac

dà diu witwe wirt gerochen

und der weise klagen mac

und der arme den gewalt,

der dà wirt mit ime gestalt

wol im dort, der hie vergalt!

Unser lantrehtære tihten

fristet dà niemannes klage,

wan er wil ze stunt dà rihten,

so ez ist an dem lesten tage:

und swer dheine schult hic lât

unverebenet, wie der stàt

dort, da er pfant noch bürgen hàt!

Ir enlàt iuch niht verdriezen

daz ich noch gesprochen hàn,

sò wil ich die rede besliezen

kurzlìch, und iuch wizzen làn:

swaz got mit der werelt ie

wunderliches noch begie,

daz huop sich und endet hie.

Kristen, juden unde heiden

Jehent, daz diz ir erbe sì:

gut müez' ez ze rehte scheiden

durch die sine namen dri

al diu werelt stritet her:

vir sin an der rehten ger,

reht ist daz er uns gewer.