Bu həyatın sonu acı bir ölüm
Getsən, dünya qara geyinər, gülüm
Qoyma məni, bir çiçək kimi solum
Gəl yanıma, gözəl, qurbanın olum
Bu sevgidən nə qalacaq, bilmirəm
Bu eşqimi həyatımdan silmirəm
“Həyatıma o bir yaddır”,-demirəm
Qayıt, gülüm, qayıt, qurbanın olum
Küsmə məndən, qayıt, gülüm
Sənsiz ömrüm viranədir
Qayıt, gülüm, qayıt, ömrüm
Sənsiz könlüm həsrətdədir
Allahıma üzüm tutub deyirəm
Günahım var, bu eşqimi gəzirəm
Bu sevginin sonu yoxdur, bilmirəm
Köməyim ol, Tanrı, qurbanın olum
Bu dünyada mən bir xoş gün görmədim
Bu sevgidən acı sevgi bilmədim
“Tanrı, öldür, qurtar canı”,-demədim
Mən ağladım, göz yaşımı silmədin
Küsmə məndən, qayıt, gülüm
Sənsiz ömrüm viranədir
Qayıt, gülüm, qayıt, ömrüm
Sənsiz könlüm həsrətdədir
Küsmə məndən, qayıt, gülüm
Sənsiz ömrüm viranədir
Qayıt, gülüm, qayıt, ömrüm
Sənsiz könlüm həsrətdədir
