Drapom nan 2 (Remix)

Intro

Fyète m se drapo’m

Ayisyanite m anba po’m

Verse 1

Drapo’m nan se koulè san’n ki te koule pou libète

Koulè po’m yo pat vle wè kòmkwa mwen te yon moun dane

Drapo’m nan se pa t fasil si ou wè jodi a l egziste

Granparan’n ki te kanpe fas ak pi gwo lame alepòk

Drapo’m nan reprezante chanjman listwa limanite

Se yon bagay dwòl, ou ka wè l senp poutan l ekstrèmman konplike

Drapo’m nan se li k ap lye Amerik ak lemonn antye

Ayisyen yo pa t aksepte pou moun esklav okenn kote

Drapo’m nan soti nan pi bèl istwa ki janm egziste

Istwa zansèt nou yo ki te sakrifye yo pou nou ka libere

Se pa yon fab, se pa yon woman non plis, se pa yon kont de fée

Se premye fwa sa te rive, se mond lan ki t apral chanje

Chorus

Drapo’m se tankou cheve mwen

Mèt ba l koulè mwen vle, vrè koulè l pap chanje

(Vrè koulè l pap chanje)

Ble e wouj la se fyète mwen

(Fyète mwen)

Mèt fè sa ou vle, l ap rete kole anba po mwen

Drapo a pa ka konprann ke jodi a nou divize

Deviz nou “L’union fait la force”

Men malgre sa, nou gen prejije

Plizyè tribi ini fòs yo pou libere tout yon ras

Poutan nou menm kòm desandan, nou separe tèt nou an klas

Drapo sa ta dwe chanje si se eta sa n ap rete

Li pa gen sans pou nou ankò tèlman nou wè ke nou pa sanble

Drapo’m nan, li lè li tan pou reprann plas ou te genyen

Menm jan l te ye nan tan lontan pou Dahomey ak nèg Ginen

Drapo’m nan tankou solèy yo te panse ki pa t ap janm briye

Li raple ke mond jodi a se Vertières li te kòmanse

Drapo’m nan, pa enkyete w menm si ou ta wè defwa ou blaze

Yon jou kanmenm fòk yo kanpe pou ba w valè ke ou merite

Drapo’m se tankou cheve mwen

(Cheve mwen)

Mèt ba l koulè mwen vle, vrè koulè w pap chanje

(Non, li pap chanje)

Ble e wouj la se fyète mwen

(Fyète mwen)

Mèt fè sa ou vle, l ap rete kole anba po mwen

Li kole anba po mwen

Bridge

Yon jou l gen pou rive y ap sispann pase ou anba pye

Y ap ba w respè ou merite

Y ap wè ou tankou yon vrè senbòl libète

Drapo’m se tankou cheve mwen

Se tankou cheve mwen)

Mèt ba l koulè mwen vle, vrè koulè w pap chanje

Koulè l pap chanje

Ble e wouj la se fyète mwen

(Li se fyète mwen)

Mèt fè sa ou vle, l ap rete kole anba po mwen

(L ap rete kole, kole la)

(Anba po, anba po mwen)

Li kole anba po mwen

Li kole anba po mwen

Ble e wouj la se fyète mwen

Kole anba po mwen