O LU TRENU DI BASTÌA
HÈ FATTU PER LI SIGNORI ;
PIÈNGHJENU LI CARRITTERI
SUSPÌRANU LI PASTORI ;
PER NOI ALTRI OSTERIAGHJI
SONU AFFANI È CREPACORI.
ANGHJULÌ LU MIO ANGHJULINU
PENSATU N’AGHJU UNA COSA,
QUAND’ELLU PASSA LU TRENU
TÌRALI UNA MITRAGLIOSA,
È LI SCEFFI CHÌ SÒ NENTRU
VÒLTALI À L’ARRITROSA.
ANGHJULÌ LU MIO ANGHJULINU
DATTI UN POCU DI RIMENU,
VAI È FEGHJA SSU CATINU
S’ELLU HÈ VIOTU O S’ELLU HÈ PIENU,
È PÒ LI PRISENTAREMU
À LU SCEFFU DI LU TRENU.
À CH’HÀ INVENTATU LU TRENU
HÈ STATU UNA BRUTTA GHIGNA.
LI GHJUNGA U FILOSSERÀ
CUM’ELL’HÈ GHJUNTU À LA VIGNA,
LI CÀSCHINU LI CAPELLI
INCÙ LA PIÙ FORTE TIGNA.
