Sebra dila bihar e heyamê dila, lê dil xatira, wayê
Sebra dilê mi bihar e, heyamê dilan û xatira
Xwezil mala bavê gewra te bar bikira bihata vira
Min ê bejna te zirav ji gul û sosin û rihana bixemilanda tevê hev bikira
Destê xwu biavîta baqê reşguliya birevanda welatekî xerîb, bira kesî nizanibiya ez û tu ji kê derê ne, destê te ji eşîra mala bavê te biqetiya, tê li welatê xerîb mecbûr bibiya te yê destê xwu biavîta teka dilê rezil gazin û lomê xwu pê da bikira, wayê, wayê
Sebra dila mi îro navê te nizanibû, mi ji te ra digo hey lê way, lê pêşmalzerê, wayê
Mala mi bi xulama te çavreşê, bejinziravê, rengesmerê
Mi ji te ra ne go bi lehzê rabe, gavê werê
Gava tu hatî mi destek avîte xala gerdenê, mi destek kire ber qulpê kemberê
Mi nizanibû ji îxbala mi ra heramî mêrê te sekiniye xwu da diyarê sivderê, wayê
Wexta heramî mêrê te dît destekî mi li gerdena te bû, destekî mi li ber qulpa kemberê
Xwezil ji xêra mala Xwedê ra, Xwedê ew heramê mêrê te îman şaş bikira, ji te ra bigota êdî keçê qewlê Resûlê Xwedê tu ji min ra nabî, hey wax li min, wax lê tu ji mal derê, wayê, wayê
Keçikê digo lo lo lawiko wexta ez qîz bûm wî, lo lawiko ne mi mêr nekir, wayê
Mala te mîrat biyo ca rabe gidî wexta ez qîz bûm min mêr nekir
Porê mi reş bû, mi porê reş temam spî kir
Çi qa nexşê çîn û maçîn mi zanibû mi tev ji boy xatirê bejna te ji bîr kir
Lawo heft lawê mi hene, her heft lawê mi azep in, ber bi zewac in, wekî ez îro şûn da sed sal emrê min û te be şevê, royê dîsa çavê mi li zewaca te bû, ax lawiko mi rêka wî lo te bekle kir
De can, de can, de can, de can, de can, de can, de can, de can, de can û de can
Tim û tim xerabmalê bejna te me, dû te ra li dinyayê loma ji heramê mêra ra hey wax li min, lo mi tu mal nekir, wayê
