Tshnamus Chem Cankana

Իմ սրտում լաց, իմ սրտում մռմուռ,

Ես հեռանում եմ անխոս ու լուռ,

Ու կարևոր չէ արդեն թե ուր,

Իզուր են խոսքերը քո զղջում,

Մի տուր երդում, այն էլ գին չունի,

Աղտոտեցիր սերը մեր մաքուր,

Երակներումդ եթե մեր սերն էր պաղել,

Հեռացիր, էլ ինչու՞ իզուր հապաղել,

Կույրի պես եմ քեզ հավատացել,

Քեզ տրվել եմ ու չեմ հասկացել

Չեմ կասկածել, որ քո կյանքում վաղուց կա նա

Երջանիկ եղիր դու նրա հետ,

Անցյալի օրերը ետ բերել,

Ու քեզ ներել անզոր եմ,

Չեմ կարողանա

Ես թշնամուս անգամ չեմ ցանկանա․․․

Գուցե մի օր կպատմես նրան

Այն հեռավոր խրճիթի մասին,

Որ երազում էինք միասի՜ն,

Ու գուցե-գուցե մի օր կփարվես նրան,

Նույն ջերմությամբ ոնց գրկում էիր ինձ,

Ցած բերելով արև ու լուսին

Իսկ ես այդ ամենը էլ չեմ ուզում վերհիշե՜լ

Քեզ ուղեղիցս հանել եմ ես,

Որոշե՜լ ․․․

Կույրի պես եմ քեզ հավատացել,

Քեզ տրվել եմ ու չեմ հասկացել

Չեմ կասկածել, որ քո կյանքում վաղուց կա նա

Այն ինչի միջով անցա քեզ հետ,

Ես թշնամուս անգամ չեմ ցանկանա․․

Երջանիկ եղիր դու նրա հետ,

Անցյալի օրերը ետ բերել,

Ու քեզ ներել անզոր եմ, չեմ կարողանա

Այն ինչի միջով անցա քեզ հետ,

Ես թշնամուս անգամ չեմ ցանկանա․․․