Oran Nan Raiders - Julie Fowlis
Lyrics by：Traditional
Composed by：Traditional
O's ann tha na diùlnaich thall
Air an taobh ud dhen a' Bheinn
Fhuair iad fearann ann gun taing
Bhon an aingidh rinn am mealladh
O's ann tha na diùlnaich thall
Fhad 's a bhios an linn seo beò
Bidh cuimhn' air cainnteanas Lloyd George
Gheall na fearann do na seòid
Ach na thill beò dhiubh 's mòr an gearain
O's ann tha na diùlnaich thall
'S nuair a thuig na gillean còir
Gun robh an Government fo sgleò
'S nach robh cainnteanas Lloyd George
Ach mar cheò a' falbh à sealladh
O's ann tha na diùlnaich thall
Chruinnich iad is fhuair iad pìob
'S am port a chluich iad Morair Sìm
'S cha robh fear a bha san sgìr'
Nach robh cruinn aig roinn an fhearainn
O's ann tha na diùlnaich thall
Thàinig Raghnall le mòr‑uaill
Le each 's le ghunna dol mun cuairt
'S gann a bhruidhneadh e le gruaim –
Thug e 'n dualchas ud bho sheanair
O's ann tha na diùlnaich thall
An Dotair Moireach suas a chliù
Faic mar thagair e sa chùis
Thug e mach iad às an tùr
Gu an saors' a dheòin 's a dh'aindeoin
O's ann tha na diùlnaich thall
Sguiridh mise nis dhem dhàn
'S e mo dhùrachd sibh bhith slàn
Le bhur sabhail mhòra làn
Leis a' ghràn gu àird nan sparran
O's ann tha na diùlnaich thall
Air an taobh ud dhen a' Bheinn
Fhuair iad fearann ann gun taing
Bhon an h-aingidh rinn am mealladh
O's ann tha na diùlnaich thall
