在手机上保存，获得更好体验
Asam sikandih jo asam galugua ndeh mak
nan katigonyo asam riang
Manangih mayik yo didalam kubua ndeh mak
Taingek badan ndak sumbayang
Apo gunonyo hiduik didunia
Kalau badan ko ndak sumbayang
Ingek-ingeklah pasan Tuhan ko
Jan tibo sasa didiri surang
Biasokanlah diri kito sumbayang
Mari batauhit sarato iman
Santano hiduik didunia akhiraik sanang
Lapeh hutang ibu bapak kito
Dek ulah rajin pandai nan datang
Dek maleh buruak nan tasuo
Dihari pagi mananti patang
Tobaiklah untuak salamonyo
Handak baranang nan ka hulu aia ndeh mak
Jan lah lipo jo rantiang lapuak
Santano sanang yo hiduik didalam dunia
Kana juo ka mati isuak
Indaklah dapek sarindang padi
Batuang dibalah nan ka paragu
Indaklah dapek bakandak hati
Kandak Tuhanlah nan ka balaku
Lah ka jo dulang didalam lubuak ndeh mak
Pandan baduri malendo jalan
Aka lah hilang paham tak tumbuah ndeh mak
Basarah diri kapado Tuhan
karajo nan alah cegak pun ado
Tingga dibaok tuak manggunokan
Adaik nan alah sarak pun ado
Tingga dikito memakaikannyo
