Male
सज धज के सामी जद आओ थे ओ...
सज धज के सामी जद आओ थे,
ओ लागो स्वर्गा सु उतरीया बन्नी आप, रूप थारो परियां सु प्यारो
ओ लागो स्वर्गा सु उतरीया बन्नी आप, रूप थारो परियां सु प्यारो,
Female
निरखो थे भरके जद, बाहो में हो...
निरखो थे भरके जद, बाहो में,
ओ म्हारो रूप ओ बन्नासा खिलियों जाए, नस नस में बहे प्रीत थारी
ओ म्हारो रूप ओ बन्नासा खिलियों जाए, नस नस में बहे प्रीत थारी,
Male
होगी हजारों लाखों प्यारी, होड़ ना करे थारे...पग री गौरी,
कंलिया सूं कांचों अंग अंग थारो, दुध सूं उजलो रंग है थारो,
ओ थारी तारीफा कर कर ना धापे मन , फूरसत सु थाने राम जी घड़ी
फिको पड़गियों गौरी आभा माय चांद, लागो थे गौरी रूप री डंली,
Female
कानों बाली हल्की सी दाढ़ी, मुल्कों जद चमके उजली बतिशी
नैण कमल है सूरत मोहणी, रंग रंगीला लागो बन्नाजी...
ओ थाने लागे ना निज़र म्हारा राज, लगा दुं थाने काजल टिकी,
ओ थाने देख ने उठे है हीये लेहर, मिजाजी जद पास आओ...
Male
ओ बण ठणथी थाने देखी निज़रा, निखरे नूर सूरज रि किरणा
गदरावे आ कंचन काया, उस पर जोबन ले अंगड़ायाँ...
ओ थाने देऊ में आ कुणसी उपमा, प्यारो ना थासु और कोई
ओ लागो स्वर्गा सु उतरीया बन्नी आप, गौरीसा म्हारे मनड़े भाई...
Female
थारे प्रेम में ऐसी...डूबी, चावे ना दिल एक पल दूरी,
Male
प्रेम री मूरत तूं है गौरी, बण बैठो थारो प्रेम पुजारी...
Female
ओ म्हारा लाडकियां बन्नासा सिरदार, नैनी में नाज़ू लाड़की थारी,
ओ म्हारो रूप ओ बन्नासा खिलियों जाए, नस नस में बहे प्रीत थारी...
