Pusong Mahal ang pintig Mo
ay tawag ng pag-ibig
Banayad Mong bulong sa 'kin
ay kay gandang himig
Sa 'Yong bulong, aking puso'y
sadyang naakit
Ngunit aking sala ay 'Yong pasakit
Ganumpaman, mananalig
ako sa 'Yong habag
Nawa'y Iyong kalingain
itong punlang tawag
'Di man ako handang lubos
ako'y manunumpa
Pusong Mong kasabay magtataya
Kahit nangangamba
sa 'Yo ay mag-alay
Batid ko rin namang
Ikaw ang buhay
Kaya ako ngayo'y manunumpa
Ako ay sa Iyo habang buhay
