Алтын кӱӱк
Айланып келген јажыл јас
Алтын кӱӱк ӱниле јарлалат
Эбирип келген эрте јас
Эдил кӱӱк ӱниле ӱнделет
Таҥдакталып тан атса
Алтын кӱӱк кожоҥын баштайт
Јастын кӱни батканча
Эдил кӱӱк кожоҥын чӧйӧт
Јас келгени билдирет
Куштар ӱни угулат
Балдар сӱӱнчилӱ јӱгӱрет
Суучактар шоркырап агат
Алтайымды јайылта
Кожоҥдоп берет алтын кӱӱк
Албатымды сӱӱндире
Кожоҥын јарлайт эдил кӱӱк
Алтын ӱндӱ кужым
Албатымды сӱӱндирзин
Эдилӱ ӱндӱ кужым
Эзенде эртеелей келзин
