Catarì - Mario Merola
Marzo Nu poco chiove
E n'atu ppoco stracqua
Torna a chiovere schiove
Ride 'o sole cu ll'acqua
Mo nu cielo celeste
Mo n'aria cupa e nera
Mo d''o vierno 'e ttempeste
Mo n'aria 'e primmavera
Marzo nu poco chiove
E n'ato ppoco stracqua
N'auciello freddigliuso
Aspetta ch'esce 'o sole
Ncopp' 'o tterreno nfuso
Suspirano 'e viole
Catari' che vuò cchiù
Ntienneme core mio
Marzo tu 'o ssaje si' tu
E st'auciello song' io
Marzo nu poco chiove
E n'ato ppoco stracqua
Marzo tu 'o ssaje si' tu
E st'auciello song' io
Marzo nu poco chiove
E n'ato ppoco stracqua
