心愿 - 热西才让旦
ང་ད་ནང་ཡོང་ཡོང་ཤར་ནས་ཡོང
ཤར་རྡོ་རྗེ་སེམས་པའི་མདུན་ནས་ཡོང
དོ་ནུབ་འགྲོ་འགྲོ་ནུབ་ལ་འགྲོ
ནུབ་སྣང་བ་མཐའ་ཡས་མདུན་ལ་འགྲོ
འབྲས་དཀར་བསམ་པའི་དོན་འགྲུབ་ཡིན
འབྲས་ཕྲུག་ཡིད་བཞིན་ནོར་བུ་ཡིན
ངའི་མགོ་ལ་རྭ་ལྤགས་གྱོན་ནོ་འདི
འབྲས་དཀར་རྒད་པོའི་ཆ་ལུགས་ཡིན
ངའི་ཁ་སྤུ་མིག་སྤུ་རིང་ནོ་འདི
ཨ་ཙ་ར་ཡི་ཆ་ལུགས་ཡིན
མ་ནེ་མགོ་ཡི་མན་མཚན་འདི
རྭ་མ་རྒྱལ་མོའི་ཆ་ལུགས་ཡིན
གཡས་ཀྱི་ཨ་ར་དཀར་པོ་འདི
རྒྱལ་གར་རྒྱལ་བོའི་ཆ་ལུགས་ཡིན
གཡོན་གྱི་ཨ་ར་ནག་པོ་འདི
རྒྱ་ནག་རྒྱལ་བོའི་ཆ་ལུགས་ཡིན
ཐོད་པར་མེ་ལོང་བཏགས་ནོ་འདི
ལྷ་ཨོ་རྒྱན་པད་མའི་ཆ་ལུགས་ཡིན
ངའི་ལག་གི་དབྱུག་པ་ཕྲ་མོ་འདི
ཕ་ཤིང་ཙན་དན་དཀར་པོ་ཡིན
མ་ཤིང་ལྷ་ཤིང་ཤུག་པོ་ཡིན
རྒྱབ་ལ་འཁུར་ན་བོའུ་དང་འདྲ
སྟེང་དུ་ཞོན་ན་རྟ་དང་འདྲ
རྟ་སྒ་སྲ་མི་དགོ་ངོ་མཚར་ཆེ
ལྷ་འདྲའི་གཏམ་ལ་འདོག་བྱེད་ཡིན་
མི་རྒོད་དཔུང་བ་སྐྱོན་བཞིན་ཡིན་
ཁྱི་རྒན་འདྲ་ཚོ་འདོད་བཞིན་ཡོད་
ཨེ་ལྡན་མི་ལྡན་བལྟས་ན་ཤིན་
ང་འབྲས་དཀར་ཡོང་ཡོང་བོད་ལ་ཡོང
བོད་ལ་རྟེན་འབྲལ་བསྒྲིག་དུ་ཡོང
དེ་རིང་རྟེན་འབྲེལ་སྙིང་བོ་ལ
བཀྲ་ཤིས་བདེ་ལེགས་ཕུན་སུམ་ཚོགས
དེ་རིང་རྟེན་འབྲེལ་སྙིང་བོ་ལ
བཀྲ་ཤིས་བདེ་ལེགས་ཕུན་སུམ་ཚོགས
