بلكي اليوم
شمس بتشرق وبتسألني عَ اللي جاي
والزهر بيفتح وبيرويلي احلى حكاية
والسما بتناديلي عصفور بغنيلي
وبيحكيلي اسرار حلم الكون
بلكي اليوم ننسى كل الحروب
بلكي اليوم بتلتقي القلوب
بلكي اليوم نرجع متل الاطفال
ما يبقى ظلم وفَقِر
وما نكره حدا
موج البحر بيحملّي أخبار بعيدة
لون الغَيم بيرسملي شكل جديد
والليل ناطر القمر ليسافر
ونجوم تضوّي حلم جديد
بلكي اليوم ننسى كل الحروب
بلكي اليوم تلتقي القلوب
بلكي اليوم نرجع متل الاطفال
ما يبقى ظلم وفَقِر
وما نكره حدا
